سامسونج أعلنت عن سلسلة هواتف Galaxy S25
سامسونج أعلنت عن سلسلة هواتف Galaxy S25
واللي بتضم 3 موديلات: Galaxy S25 العادي، Galaxy S25+، وGalaxy S25 Ultra.
وفي Galaxy S25+ بتكون 6.7 بوصة
وأكبر شاشة بين الثلاثة في Galaxy S25 Ultra بحجم 6.9 بوصة.
الموديلات كلها جايه بمعالج Qualcomm Snapdragon 8 Elite، و12 جيجابايت رام، يعني أداء سريع وقوي. أما عن الكاميرا، فـ Galaxy S25 Ultra بييجي بكاميرا رئيسية بدقة 200 ميجابكسل، بينما Galaxy S25+ و S25 العادي بكاميرا رئيسية 50 ميجابكسل. وطبعًا، كل الموديلات بتدعم تصوير الفيديو بدقة 8K، يعني هتحصل على فيديوهات بأعلى جودة ممكنة.
سلسلة Galaxy S25 بتشتغل على أندرويد 14 مع واجهة One UI 7 الجديدة، وبتدعم تكنولوجيا 5G. سامسونج كمان ضافت تقنيات ذكاء اصطناعي متقدمة لتحسين تجربة الاستخدام، سواء في التطبيقات أو في المهام اليومية.
وفي One UI 7 في ميزة جديدة اسمها Browsing Assist اللي بتحول النصوص إلى صوت، عشان تقدر تقرأ المقالات وانت مش مركز. الميزة دي كانت بتدعم التلخيص والترجمة قبل كده، دلوقتي كمان بقت تدعم قراءة التلخيصات بصوت. تقدر تفعّل الخيار ده من إعدادات Galaxy AI، وبتدعم لغات وأصوات مختلفة.
بالنسبة للكاميرا سامسونج عملت تحسينات جامدة في Galaxy S25 Ultra. الكاميرا الأساسية بقت بدقة 200 ميجابكسل، مع فتحة عدسة F1.7، والعدسة الواسعة بقت 50 ميجابكسل مع فتحة F1.9، وكاميرات التكبير بقت 10 ميجابكسل و 50 ميجابكسل. الكاميرا الأمامية بقت 12 ميجابكسل مع خاصية التركيز التلقائي Dual Pixel. كمان سامسونج ضافت معالج Snapdragon 8 Elite مع تقنيات زي Spatio Temporal Filter و ProVisual Engine، اللي بيحسنوا الصور ويقللوا الضوضاء.
بالإضافة، كل موديلات Galaxy S25 بيدعموا تصوير الفيديو بنمط LOG اللي بيستخدمه المحررين المحترفين عشان يقدروا يعدلوا الفيديوهات بسهولة ويحسنوا الألوان. الميزة دي مش لازم تدفع لها فلوس إضافية متاحة في كل الموديلات.
في النهاية سامسونج في Galaxy S25 قدرت تجمع بين التكنولوجيا الذكية والعتاد القوي عشان توفر للمستخدمين تجربة مميزة في الاستخدام اليومي والتصوير الاحترافي. لو انت من الناس اللي بتحب التكنولوجيا المتطورة أكيد هتلاقي في السلسلة دي كل اللي بتدور عليه.