فيه هجمة جديدة على مستخدمي أندرويد في الهند اكتشفتها McAfee، المهاجمين بيستغلوا برنامج دعم حكومي للكهرباء اسمه PM Surya Ghar ويعملوا موقع مزيف شبه الموقع الرسمي
فيه هجمة جديدة على مستخدمي أندرويد في الهند اكتشفتها McAfee، المهاجمين بيستغلوا برنامج دعم حكومي للكهرباء اسمه PM Surya Ghar ويعملوا موقع مزيف شبه الموقع الرسمي، ومعاه فيديوهات يوتيوب وروابط بتنزل تطبيق وهمي من GitHub بدل متجر جوجل.
التطبيق أول ما بيتثبت يطلب يقفل الإنترنت عشان يقلل فرص اكتشافه، وبعدين يطلب صلاحيات خطيرة زي قراءة الرسائل والاتصال والـ SMS.
الهدف الأساسي إنه يسرق بيانات البنكية ورقم الـ UPI PIN، وكمان يستخدم الجهاز عشان يبعث رسائل تصيد لناس تانية من قائمة جهات الاتصال.
شركة McAfee بلغت جوجل اللي قفلت حسابات المهاجمين، وكمان GitHub شال المستودع اللي كان مستضيف التطبيق. الخطر هنا إن الهجوم منظم جدًا وبيستغل ثقة الناس في البرامج الحكومية.
عشان كده النصيحة إنك ما تنزلش أي تطبيق من روابط غريبة أو مواقع غير رسمية، وتراجع دايمًا الصلاحيات اللي بتديها لأي تطبيق .