توزيعة Ultramarine بتعتمد Plasma رسميا و AlmaLinux بتدعم Btrfs وبتحيي الهاردوير القديم!
توزيعة Ultramarine بتعتمد Plasma رسميا و AlmaLinux بتدعم Btrfs وبتحيي الهاردوير القديم!
لو متابع عالم التوزيعات، فيه خبرين نزلوا من قريب يهموا أي حد شغال في الـ Open Source سواء بتستخدم جهاز شخصي أو بتدير سيرفرات. التغييرات المرة دي مش مجرد تحديثات أمنية دي تغييرات مهمة في التوزيعات دي.
خلينا نشوف الخبرين دول ونشوف إيه الجديد.
نبتدي بتوزيعة Ultramarine (المبنية على فيدورا) في نسختها رقم 43 قررت تعتمد واجهة Plasma (تحديدا إصدار 6.5.3) هي تكون النسخة الـ Recommended أو الموصى بها بدل Budgie.
السبب ببساطة إنهم شافوا Plasma بقت أنضج بكتير والـ UI بتاعها وإدارة الصلاحيات (Permissions) بقت أفضل للمستخدم العادي والمحترف. طبعا نسخة Budgie لسه موجودة بس مابقتش هي الواجهة الرئيسية.
على الناحية التانية، AlmaLinux (المشهورة في بيئة السيرفرات) نزلت إصدار 10.1 بمميزات بتعالج مشاكل حقيقية للشركات والـ SysAdmins.
الجديد هو إنك دلوقتي تقدر تعمل تثبيت للنظام بالكامل على نظام ملفات Btrfs من البداية وده شيء كان منتظر عشان الاستفادة من مميزات الـ Snapshots وإدارة التخزين المرنة اللي بيقدمها الفايل سيستم ده.
يعني الخلاصة في التحديثات دي هي إن Ultramarine بتحاول تقدم تجربة مستخدم سهلة وحديثة تواكب التطور في Plasma بينما AlmaLinux بتقدم حل بإنها تطول عمر الهاردوير بتاعك وتديك حرية اختيار الـ Filesystem اللي يناسبك.