في يوم ١٩ ديسمبر الماضي الإنترنت شهد أكبر هجوم DDoS في تاريخه !

 

 

في يوم ١٩ ديسمبر الماضي الإنترنت شهد أكبر هجوم DDoS في تاريخه !

هجوم وصل لحجم 31.4 terabits per second وبأكتر من 200 مليون request في الثانية الواحدة

الهجوم بالحجم ده لو اتحسب بطريقة بسيطة كان يقدر يشغل ملايين فيديوهات Netflix 4K في نفس اللحظة أو يوقف الإنترنت عن دولة كاملة لو ما كانش اتصد له في الوقت المناسب

الهجوم تم تنفيذه عن طريق botnet اسمه Aisuru المعروف كمان باسم Kimwolf وده شبكة ضخمة من أجهزة مخترقة زي routers وكاميرات مراقبة وأجهزة IoT قديمة أو غير محدثة وعددها بيتراوح بين 1 و 4 مليون جهاز منتشرين حول العالم

الاستهداف الأساسي كان شركات telecom وعدد من عملاء Cloudflare وكمان بعض أنظمة Cloudflare نفسها والهجوم اتسمى داخليًا The Night Before Christmas لأنه حصل قبل الكريسماس مباشرة

النقطة المهمة إن Cloudflare قدرت تكتشف الهجوم وتوقفه بشكل تلقائي بالكامل من غير ما أي موقع يقع أو أي مستخدم يحس ببطء أو انقطاع وده بيأكد إن أنظمة الحماية السحابية وصلت لمستوى متقدم جدًا

شركة Cloudflare أوضحت في التقرير إن سنة 2025 شهدت زيادة في هجمات DDoS بنسبة أكتر من 121 percent مقارنة بسنة 2024 والسبب الرئيسي هو التوسع الكبير في أجهزة IoT اللي بتشتغل بإعدادات أمان ضعيفة وباسووردات افتراضية !!