VMware Workstation 26H1 🤩💯… كل اللي عايز تعرفه عن وحش أنظمة التشغيل لازم تقرأه للآخر، لأن فيه أسرار وتفاصيل مكناش نتخيلها

 VMware Workstation 26H1 … كل اللي عايز تعرفه عن وحش أنظمة التشغيل لازم تقرأه للآخر، لأن فيه أسرار وتفاصيل مكناش نتخيلها

 

 

 

وصل ومجاني مدى الحياة كمان VMware Workstation 26H1 … كل اللي عايز تعرفه عن وحش أنظمة التشغيل لازم تقرأه للآخر، لأن فيه أسرار وتفاصيل مكناش نتخيلها

لو لسه بتستخدم VMware Workstation 17.6 وبتقول: "هو إيه 26H1 ده؟ VMware بقت بتقلد Windows 11 ولا إيه؟

فخليني أقولك يا صديقي إن الموضوع أكبر من مجرد تغيير اسم الإصدار.

وحش الأنظمة الوهمية VMware غيرت طريقة ترقيم Workstation بالكامل، وأصبحت تستخدم Calendar Versioning:

إصدار : 25H2 = النصف الثاني من 2025

إصدار : 26H1 = النصف الأول من 2026.

وإصدار VMware Workstation Pro 26H1 صدر رسميا يوم 14 مايو 2026، Build 25388281. والأهم من الرقم نفسه إن VMware بدأت فيه مرحلة جديدة من تطوير Workstation.

أكبر تغيير في 26H1: VMware Workstation أصبح 64-Bit بالكامل

دي مش مجرد جملة في الـRelease Notes.

في Windows، أصبح Workstation Pro نفسه 64-Bit، بما في ذلك الـBinaries والـLibraries ومكونات الـInstaller والخدمات المرتبطة به.

يعني VMware بتتخلص تدريجيا من أجزاء المعمارية القديمة، وبتنقل Workstation لأساس أحدث ومتوافق أكثر مع Windows والعتاد الحديث.

وده مش معناه إن الـVM هتبقى فجأة أسرع 50%، ومفيش رقم رسمي من VMware يقول كده.

لكنها نقلة معمارية مهمة جدا للمستقبل: أساس أحدث، توافق أفضل، واعتماد أقل على مكونات قديمة.

═══════ •❈• ═══════

دعم أقوى وأحدث لـLinux

وده من أكتر الحاجات اللي هتفرق مع الناس اللي بتستخدم VMware في تجربة التوزيعات.

إصدار 26H1 أضاف دعم Guest رسمي لـ:

• Ubuntu 26.04 LTS

• Fedora 43

• Fedora 44

• SUSE Linux Enterprise 16

• openSUSE 16.0

• FreeBSD 15.0

وكمان أضاف دعم Host لتوزيعات حديثة، منها:

• Ubuntu 26.04 LTS

• Fedora 43

• Fedora 44

• SUSE Linux Enterprise 16

• openSUSE 16.0

يعني سواء بتشغل Linux داخل VMware أو بتستخدم Linux نفسه كـHost، الإصدار الجديد متجه بشكل واضح لدعم الأجيال الحديثة.

وطبعا وجود توزيعة في قائمة الدعم الرسمي مش معناه إن باقي توزيعات Linux مش هتشتغل؛ دي قائمة الأنظمة التي أضاف لها VMware دعما رسميا في الإصدار، وليس قائمة بكل Linux يمكن تشغيله.

═══════ •❈• ═══════

وموضوع ARM ده مهم… بس افهمه صح

إصدار 26H1 أضاف إمكانية الاتصال عن بُعد بـ ARM-based ESXi hosts وتنفيذ عمليات أساسية على الـVMs الموجودة هناك.

لكن خد بالك يا معلم:

ده مش معناه إن Workstation على Windows أصبح ARM.

يعني مش هتروح تثبته على جهاز Snapdragon وتقول VMware بقت ARM.

الموضوع ببساطة إن جهازك يشغل Workstation، وWorkstation يقدر يتصل بخادم ESXi مبني على ARM عن بُعد.

═══════ •❈• ═══════

شركة VMware بدأت تهتم بإدارة الـVMs نفسها بشكل أذكى

لو عندك عدد كبير من الأنظمة الوهمية، هتعجبك شوية تحسينات شكلها بسيط لكن مفيدة جدًا.

إصدار 26H1 بقي يعرض وقت إنشاء الـVM وآخر وقت تم تشغيلها فيه.

يعني بدل ما تفضل فاكر:

الـــ "الـVM دي أنا عاملها إمتى؟ ولسه بستخدمها ولا لأ؟"

المعلومة قدامك.

وكمان أضاف VM Notes داخل Folder Tabs، فتقدر تحط ملاحظات تعرفك كل VM معمولة لإيه، زي:

الــ Kali — Security Lab

الــ Windows 11 — Testing

الــ Fedora — Linux Testing

من غير ما تدخل كل مرة على إعدادات الـVM.

═══════ •❈• ═══════

تحسين مهم في Credential Manager

الــ VMware حدّثت طريقة حفظ بيانات الاعتماد الخاصة بالـVMs المشفرة والاتصالات بالسيرفرات البعيدة.

الهدف إن إدخالات VMware تبقى أوضح وأسهل في التمييز داخل Credential Manager الخاص بالنظام المضيف.

═══════ •❈• ═══════

طب إيه اللي كان جديد قبل 26H1؟

هنا لازم نفرق، لأن فيه ناس ممكن تنسب كل حاجة لـ26H1.

الــ Virtual Hardware Version 22 وUSB 3.2 وdictTool واكتشاف Hyper-V/WHP كانت من إضافات 25H2، مش 26H1.

الــ 25H2 هو كمان اللي بدأ معاه نظام التسمية الجديد:

يعني 17.6 25H2 26H1

يعني 26H1 بيبني على الأساس اللي بدأ في 25H2، مش بيبدأ من الصفر.

═══════ •❈• ═══════

وهنا أهم نصيحة قبل ما تعمل Upgrade للـVMs

ترقية VMware Workstation نفسه حاجة، وترقية Hardware Compatibility للـVM حاجة تانية خالص.

لو عندك VM قديمة شغالة كويس:

ما تروحش تعمل Upgrade للـVirtual Hardware لمجرد إن VMware عرض عليك الاختيار.

خصوصا لو الـVM فيها:

vTPM + Encryption + BitLocker

لأن ترقية الـVirtual Hardware ممكن تأثر على قابلية تشغيل الـVM على إصدارات VMware الأقدم، وهناك حالات مرتبطة بالـvTPM تجعل الرجوع لإصدار Hardware أقدم مشكلة حقيقية.

ولو عايز تنتقل لـ26H1، أنا أنصحك ما تعملش Upgrade فوق الإصدار القديم؛ احذف VMware Workstation القديم بالكامل ونظف بقاياه، وبعدها اعمل Restart للجهاز وثبت 26H1 كتثبيت جديد (Clean Install). كده تقلل جدا احتمالية تعارض ملفات أو خدمات أو تعريفات من الإصدار السابق.

( ومتنساش تعمل Backup قبل أي تغيير مهم. )

═══════ •❈• ═══════

وخليني أوضح نقطة مهمة جدا عن العزل

ناس كتير بتفتكر إن:

واجهة VMware Player = عزل أقوى من واجهة Workstation Pro

وده مش صحيح بالشكل ده.

العزل مش بيتحدد باسم Player أو Pro.

لو أنت عامل VM لاختبار ملفات أو برامج مش موثوقة، اللي يفرق فعلا هو إعدادات الاتصال بين الـHost والـGuest.

لو عايز عزل أقوى وقف الإعدادت التالية في البرنامج لما تعمل نظام وهمي جديد:

Shared Folders

Clipboard

Drag & Drop

USB Passthrough غير الضروري

Bridged Network لو مش محتاجه

أي Hardware مش محتاجه

واستخدم Snapshot نظيف قبل الاختبارات، وفي الحالات الحساسة جدا الأفضل ترجع للـSnapshot أو تعيد بناء الـVM من صورة نظيفة بعد الانتهاء.

لأ VMware نفسها تقدم Workstation كبيئة Virtual Sandbox وتدعم Snapshots لعزل وتجربة بيئات مختلفة، لكن الـVM مش صندوق سحري مستحيل يخرج منه أي شيء.

═══════ •❈• ═══════

طيب Windows 11؟

إصدار Workstation 26H1 مناسب جدا لبيئة Windows الحديثة، وبيكمل دعم تشغيل الأنظمة الوهمية الحديثة، مع تقنيات زي:

الــ UEFI + Secure Boot + vTPM

لكن لو بتشغل Windows 11 داخل VM، متنساش إن الـvTPM والتشفير مرتبطين ببعض في سيناريوهات معينة، فلا تعبث بإعدادات TPM أو Secure Boot عشوائيا خصوصا لو عندك BitLocker.

═══════ •❈• ═══════

طيب وهل Linux Mint هيشتغل؟

أيوه.

لكن فيه فرق بين:

الــ Linux Mint كـGuest

يعني Windows VMware Mint

وبين:

الــ Linux Mint كـHost

يعني Mint VMware Windows/Linux

الأولى عادة أبسط بكثير، أما لو هتستخدم Linux كـHost فراجع الــ Compatibility Matrix الخاصة بـBroadcom وإصدار الـKernel، لأن VMware على Linux حساس لتوافق الـKernel أكثر من مجرد اسم التوزيعة.

═══════ •❈• ═══════

طيب هل 26H1 أسرع من 17.6؟

وهنا خلينا واقعيين.

مش هقولك كلام تسويقي من نوع "أسرع 40%" لأن VMware ما أعلنتش رقم Benchmark بالشكل ده.

الانتقال إلى 64-Bit مهم جدًا معماريًا، لكن أداء الـVM عندك هيتحدد بدرجة كبيرة حسب:

CPU

RAM

NVMe/SSD

عدد الـvCPU

الـRAM المخصصة للـVM

3D Acceleration

Hyper-V/WHP

VBS

VMware Tools

ونظام التشغيل نفسه.

يعني لو جهازك ضعيف، مش هتثبت 26H1 وفجأة يتحول لصاروخ.

═══════ •❈• ═══════

طيب الفرق الحقيقي بين 17.6 و26H1؟

ببساطة يا غالي:

إصدار 17.6 كان آخر جيل من نظام الترقيم القديم، وكان يعتمد على Virtual Hardware 21.

إصدار 25H2 بدأ الترقيم الجديد وأضاف Virtual Hardware 22 + USB 3.2 + dictTool + Hyper-V/WHP Detection وغيرها.

إصدار 26H1 كمل الطريق وأضاف أهم نقلة معمارية:

Workstation Pro على Windows أصبح 64-Bit بالكامل، مع دعم Linux/BSD الأحدث، وميزات إدارة أفضل، واتصال بـARM-based ESXi.

═══════ •❈• ═══════

والأهم… Workstation Pro بقى مجاني

ودي نقطة ناس كتير لسه مش واخدة بالها منها.

من نوفمبر 2024، VMware أعلنت إتاحة Workstation Pro مجانا للاستخدام الشخصي والتجاري والتعليمي، بدون نظام الترخيص المدفوع القديم.

يعني دلوقتي عندك واحد من أقوى Desktop Hypervisors، وتقدر تستخدم الـPro نفسه بدل ما تدور على نسخ Player قديمة لمجرد إنها كانت مجانية.

═══════ •❈• ═══════

يعني الخلاصة يا سادة :

المستقبل VMware Workstation Pro 26H1 مش مجرد رقم جديد مكان 17.6.

هو خطوة واضحة من VMware ناحية:

الــ 64-Bit بالكامل على Windows

دعم أحدث لـWindows وLinux وBSD

الــ Ubuntu 26.04 وFedora 43/44 وSUSE 16 وopenSUSE 16 وFreeBSD 15

الــ Remote ARM ESXi

إدارة أفضل للـVMs

الــ Timestamps + Folder Notes

تحسينات Credential Manager

الــ Security & Bug Fixes

وفي نفس الوقت، لازم نفتكر إن vHW22 وUSB 3.2 وdictTool وHyper-V/WHP Detection بدأوا مع 25H2، مش 26H1.

فلو أنت لسه على 17.6 وبتستخدم VMware بشكل مستمر على Windows 11:

أنا شايف إن الانتقال لـ26H1 منطقي جدا في الوقت الحالي.

لكن متعملش Upgrade للـVM Hardware لمجرد إنك حدثت VMware.

وخلي بالك من الـvTPM والتشفير.

والأهم من كل ده…

الـVM مش مجرد "ويندوز جوه ويندوز".

هي بيئة كاملة لها Hardware افتراضي، شبكة، أجهزة، قنوات مشاركة، وصلاحيات.

كل ما فهمت إيه اللي داخل خارج منها…

كل ما بقيت أنت اللي متحكم في العزل، مش مجرد مستخدم بيضغط Power.

وده في رأيي هو الفرق بين واحد بيستخدم VMware…

وواحد فاهم هو بيستخدمه ليه.