مجموعة أخبار تقنية لسه نازلة، بتبين أد إيه الـ  OpenSource بيتحرك بسرعة. هنتكلم عن Collabora وإزاي Pebble رجعت للحياة وأخيرا خط جوجل الجديد!

 

 

 

في البوست ده هنتكلم عن مجموعة أخبار تقنية لسه نازلة، بتبين أد إيه الـ  OpenSource بيتحرك بسرعة. هنتكلم عن Collabora وإزاي Pebble رجعت للحياة وأخيرا خط جوجل الجديد!

زي ما إحنا عارفين Collabora Online بتعتمد على تكنولوجيات الويب عشان تعرض ملفات الـ Office جوه الـ Browser. الجديد بقى إنهم قرروا يجيبوا نفس التجربة دي (الـ UI والـ UX) للـ Desktop بشكل Native.

إيه اللي حصل بالظبط؟ بدل ما التطبيق يعتمد على الـ Java أو واجهات قديمة، بقوا بيستخدموا نفس الـ Technology stack بتاع الويب (زي Canvas و JavaScript) بس شغال Offline تماما على جهازك.

الميزة هنا إنك بتاخد نفس الشكل الحديث والأداء السلس اللي متعود عليه أونلاين بس مع مميزات الـ Desktop زي الـ System integration وطباعة أفضل.

النسخة دي بتدعم ملفات #docx و xlsx بشكل كامل، ومتاحة دلوقتي كـ Flatpak لمستخدمي لينكس.

في الناحية التانية، لو كنت من محبي ساعات Pebble فالخبر ده ليك. الـ Software الخاص بالساعة بقى متاح بالكامل للمجتمع بما فيه تطبيق الموبايل.

دلوقتي الكود كله متاح على #GitHub، يعني أي Developer يقدر يعمل Fork ويعدل فيه أو يضيف Features جديدة. ودي حاجة مهمة بتحل مشكلة كبيرة كانت بتواجه المستخدمين لما الشركة قفلت وهي إن السيرفرات وتحديثات التطبيق وقفت.

وبرضه فيه ساعة جديدة اسمها Pebble Time 2 بيتم اختبارها عشان تنزل السوق قريب.

نختم بخبر #جوجل اللي قررت تفتح المصدر لخطها الجديد Google Sans Flex وده نوعه Variable Font.

يعني إيه Variable Font؟ يعني الخط مش مجرد ملف ثابت (Bold أو Regular)، لأ ده ملف واحد فيه محاور (Axes) تقدر تتحكم فيها زي الـ Weight والـ Width والـ Optical Size بدقة عالية.

يعني دلوقتي تقدر تستخدمه كـ System Font على توزيعات زي Ubuntu وبيديك شكل Modern ومريح للعين، خاصة مع الشاشات الـ High DPI.