سلسلة Serious Sam السلسلة اللي اخترعت الفوضى… وخلّت الجيمر يفهم يعني إيه هجوم بلا نهاية
في عالم الألعاب
في سلاسل بتعتمد على القصة…
وفي سلاسل بتعتمد على الواقعية…
وبعدين عندك Serious Sam اللي جاية تقولك بمنتهى البساطة:
استقبل الفوضى… ودع أصابعك ترسم المعنى وسط الضجيج
سلسلة اتولدت من الجنون وعاشت على الدوشة
وسيطرت على جيل كامل من محبي الـFPS اللي بيعشقوا الضرب المفتوح والأعداء اللي بتيجي من السما والأرض والخيال.
يلا بينا مع الفواصل المعتادة 
----------------------------------------
المعلومات العامة :
النوع: FPS كلاسيكي أكشن سريع
المنظور: First-Person
المطور: Croteam
الناشر: Devolver Digital
أول إصدار: 2001
----------------------------------------
القصة :
سلسلة Sam Serious Stone هو آخر أمل للبشرية قدام قوة فضائية اسمها Mental.
السلسلة بتاخدنا في رحلة عبر الزمن مصر القديمة، أمريكا الجنوبية، المستقبل
كل ده في محاولة واحدة بسيطة:
إيقاف الجيش الفضائي قبل ما ينهي وجود البشر.
القصة موجودة… لكن السلسلة عمرها ما ادّعت إنها قصة سينمائية.
هي معمولة للّي عايز فوضي… ومش فارق معاه Plot twist او الحبكة
----------------------------------------
الأجزاء:
مع البداية Serious Sam: The First Encounter (2001) :
الجزء اللي غيّر شكل الـFPS حرفيًا.
قدم أول مرة فكرة الـArenas المفتوحة اللي تتحول لجحيم في ثانية.
أعداء بيجروا من كل اتجاه وصوت الـKamikaze بيعمل توتر حقيقي.
اللعبة اعتمدت على السرعة ورد الفعل أكتر من أي قصة.
وده الجزء اللي خلق اسم Serious Sam وسط الكبار.
الأجهزة:
التقييم: 87%
و Serious Sam: The Second Encounter (2002) :
الجزء اللي قال: احنا مكملين الجنون… مش بنهدي.
خرائط أكبر، تنقل بين بيئات مختلفة ووحوش أشرس.
الجيمبلاي نفسه بقى أسرع وأكثر عدوانية.
ده الجزء اللي ناس كتير بتعتبره الذروة الكلاسيكية للسلسلة.
مفيش لحظة راحة… كل خطوة فيها اشتباك.
الأجهزة:
علي PC / Xbox / PS3 / Xbox 360 HD
التقييم: 85%
و كمان Serious Sam 2 (2005) :
اتجاه مختلف… كوميديا أكتر وستايل كرتوني واضح.
أسلحة غريبة مجنونة ومراحل معمولة للمتعة الخالصة.
اللعبة مليانة تفاصيل مضحكة وروح مرحة بس من غير ما تخسر هويتها.
تجربة خفيفة ومسلية لو دخّلتها من باب إنك عايز تضحك وتضرب.
مش أفضل جزء… لكنه مميز بطريقته.
الأجهزة:
علي PC / Xbox
التقييم: 76%
و مع Serious Sam 3: BFE (2011) :
رجوع للواقعية والجرافيكس القوي… لكن الروح القديمة موجودة.
الدخول على مصر قبل الغزو كان اختيار عبقري.
اللعبة قدمت مزيج حلو بين الرعب الخفيف والقتال الضخم.
أجواء مظلمة وAnimations أحسن ووتيرة محسوبة.
ده الجزء اللي فعلاً حسسنا إن Sam رجع .
التقييم: 72%
و أخيرا Serious Sam 4 (2020) :
أكبر كمية أعداء شافتها السلسلة… أرقام مجنونة لأقصى درجة.
و تصميم المراحل كان ضخم جدًا وأفكار أكتر تنوعًا ومرونة.
الجيمبلاي أسرع من قبل كده والحركة بقت أفضل بمراحل.
مش أحسن قصة… لكن أقوd منظر بصري في السلسلة كلها.
ده الجزء اللي تفشّ فيه غلك… وتحرق الدنيا.
الأجهزة:
علي PC / PS5 / Xbox Series / Stadia
التقييم: 68%
----------------------------------------
الرمزية في السلسلة :
ان Sam = الجندي اللي بيمثل الجيمر: مبيهربش… بس بيجري وهو بيضرب.
الموجات اللانهائية = ضغط الحياة اللي لازم تواجهه بسرعة قبل ما يغلبك.
الأسلحة الضخمة = فكرة إن القوة ساعات هي الحل الوحيد وسط الفوضى.
الأعداء الغريبة = تجسيد لخوفك… وإنت مطلوب منك تضحك عليه وتدمّره.
----------------------------------------
ألعاب مشابهة :
لو بتحب الريتم ده… جرب:
سلسلة Serious Sam مش لعبة… دي علاج.
علاج للّي عايز يريح دماغه ويعيش 30 دقيقة من الفوضى اللذيذة،
ويحقق أعلى DPS في التاريخ وهو بيجري زي المجنون.
السلسلة دي تراث… ويمكن محتاجة Remake محترم لكن روحها الجامحة لسه كاملة.
السؤال ليكم يا جيمرز :
مين فيكم بيحب السلسلة دية و اية رأيكم فيها ؟
و اية الجزء المفضل ليكم في السلسلة دية ؟ مستني رأيكم يا جيمرز