لو بتدور على استقرار وأداء عالي في نظام تشغيلك، فمفيش شك إن نسخ الـ LTS من #Ubuntu بتكون هي الخيار الأول للشركات والمطورين.

لو بتدور على استقرار وأداء عالي في نظام تشغيلك، فمفيش شك إن نسخ الـ LTS من Ubuntu بتكون هي الخيار الأول للشركات والمطورين.

مؤخرا نزل الـ Roadmap الرسمي لنسخة Ubuntu 26.04 LTS (اللي اسمها الرمزي Resolute Raccoon) وفي البوست ده هنغطي أهم المميزات والتغييرات اللي هتحصل بشكل بسيط عشان تكون فاهم اللي جاي.

عندك مجموعة حاجات أساسية هتميز الإصدار ده.

النسخة دي هتيجي بـ GNOME 50 وده قفزة كبيرة في الـ UI/UX. الـ GNOME 50 هينزل رسميا قبل إصدار الأوبونتو بشهر وده معناه تجربة استخدام أحدث وتركيز أكبر على الأداء.

برضه عندك تغييرات في الـ Default Apps، أوبونتو قررت تعمل Refresh لمجموعة التطبيقات الأساسية عشان تقدم تجربة Native ومودرن أكتر زي الـ Totem القديم هيتم استبداله بـ Showtime و System Monitor هيتم استبداله بتطبيق Resources (تكلمنا عنه في منشور سابق)، وده بيقدم عرض لاستهلاك الـ RAM والـ CPU بشكل أوضح وأشيك.

نيجي للنقطة الأهم وهي إن الـ Wayland هيفضل هو الـ Default Session، بس التركيز المرة دي على حل المشاكل القديمة. التحديثات بتستهدف تحسين الـ Performance والـ Reliability بشكل كبير، خصوصا مع كروت شاشة Nvidia. يعني لو كنت بتواجه مشاكل تقطيع أو عدم استقرار، النسخة دي بتهدف إنها تحل ده.

لسه قدامنا وقت لحد أبريل 2026، بس الـ Daily Builds موجودة للي حابب يجرب بنفسه.