لعبة Wasteland 3
لعبة Wasteland 3
تحية خاصة لصديق الصفحة Mohamed A. Alemam الي فكرنا باللعبة المميزة دية 
في عالم الألعاب في لحظات بتحس فيها إنك مش بتلعب
إنت بتتسحب جوا عالم متكسر، عالم مكسور نفسك تصلّحه، عالم بيطلب منك تبقى قائد حقيقي
وWasteland 3 واحدة من الألعاب دي.
اللعبة اللي بتفكرك إن ما بعد نهاية العالم مش مجرد جثث وثلج…
لكن قرارات، مبادئ، وخط رفيع جدًا بين إنقاذ الناس والسيطرة عليهم.
يلا بينا و لو عجبكم البوست .. ممكن نعمل عن السلسلة كلها
المعلومات العامة :
النوع: Tactical RPG / Turn-Based
المنظور: Isometric
المطور: inXile Entertainment
الناشر: Deep Silver ( الي عملوا سلسلة Metro و Saints Rowو dead Island و الرائعة Kingdom Come: Deliverance)
سنة الإصدار: 2020
القصة :
أنت أحد أعضاء فريق الـ Rangers
الفرصة الأخيرة لإنقاذ ولايتك بعد ما العالم اتحول لجليد وخراب.
بتتوجه لكولورادو بدعوة من شخصية غامضة وقوية اسمها The Patriarch
راجل شايف نفسه المنقذ لكن أول ما تمشي شوية في الأرض هتفهم إن كل منقذ ليه ثمن
وكل اتفاق ليه وجهين.
هتقابل فصائل مجنونة، ديانات جديدة طلعت من الرماد، عصابات بتعبد الأسلحة، ناس فقدت عقلها… وناس فقدت إنسانيتها.
القصة في Wasteland 3 مش مجرد مشاهد…
القصة قرار…
والقرار ده طول الوقت بيورّيك قد إيه الخير والشر مجرد انطباعات… مش مبادئ ثابتة.
الرمزية :
اللعبة بتحطك قدام ثلاث رموز رئيسية:
السلطة المشروعة ولا الضرورة؟
هل الحاكم الظالم اللي حافظ استقرار نسبي… أوقع من الفوضى الكاملة؟
الإنسان ولا النظام؟
هل تنقذ شخص وتخاطر بمجموعة… ولا تسيب شخص يموت لحماية المستقبل؟
الاختيار اللي ملوش عودة
أكتر حاجة في Wasteland 3 عبقرية… إن قراراتك مش بتتصلّح.
العالم بيستجيب، بيتغيّر، والناس اللى أنقذتها… أو دمرتها… بتفضل علامة في سطورك.
التقييمات الرسمية :
الأجهزة المتاحة :
علي PC
وPS4 / PS5 (Compatibility)
وXbox One / Xbox Series X|S
الخلاصة :
لعبة Wasteland 3 مش للناس اللي عايزة أكشن سريع…
دي لعبة للِّي يحبوا التفكير قبل الطلقة
اللي بيستمتعوا بالقرارات التقيلة…
اللي شايفين إن ما بعد نهاية العالم هو أنسب وقت عشان تكتشف إنت مين.
لعبة فيها روح ألعاب CRPG القديمة
… لكن بمعالجة حديثة، جو بارد، موسيقى جميلة وشخصيات هتفضل فاكرها سنين.
ألعاب مشابهة :
السؤال ليكم يا جيمرز :
مين فيكم جرب السلسلة دية واية رأيكم فيها بشكل عام ؟
و اية رأيكم في الجزء دة من حيث التجربة ؟ مستني رأيكم