أخبار التكنولوجيا
تحديث هايبر 4 اللي نزل لسلسلة النوت يا شباب دا إصدار مستقر تجريبي. ودا بينزل للناس اللي سجلت في اختبار التحديثات المستقرة
0
تعليقات
تحديث هايبر 4 اللي نزل لسلسلة النوت يا شباب دا إصدار مستقر تجريبي. ودا بينزل للناس اللي سجلت في اختبار التحديثات المستقرة
تحديث هايبر 4 اللي نزل لسلسلة النوت يا شباب دا إصدار مستقر تجريبي. ودا بينزل للناس اللي سجلت في اختبار التحديثات المستقرة، بمعنى إن التحديث بينزل الأول للمسجلين ولو كان التحديث تمام بينزل بعدها بكام يوم او اسبوع او اكتر للكل..
في فرق بين المستقر التجريبي والتجريبي (بيتا) البيتا دا مش بيكون مستقر وغالبا بيكون فيه أخطاء، اما المستقر التجريبي دا تحديث أصلا مستقر بس بينزلوه للمسجلين علشان يختبروه، ومن المفترض ان المختبرين دول لو لقوا مشكلة اثناء تجربة السوفت وير بيبعتوا فيدباك من خلال الدخول للاعدادات و ينزل عند آخر حاجه feedback يبعت المشكلة اللي شافها بالاسكرين شوتس او فيديو.. لكن في الغالب هو مستقر مفهوش مشاكل كبيرة تمنع الشركة إنها تنزله للكل في خلال ايام.
في حاجه تانيه لازم نوضحها، مفيش تأثير زجاجي هينزل يا شباب على اي جهاز غير اللي جاي بمعالج رائد زي سناب 8 ودايمنسيتي 9500 او 8500.. اما الناس اللي بتشوفوها دي بتقول معاها نوت 15 وعندهم تأثير زجاجي دا بيكون عامل الطريقة بتاعة إدخال الأوامر علشان يفعلها عنده.
الحاجه التالتة والأخيرة، التحديث المستقر التجريبي هو نفسه اللي بينزل مستقر، يعني متقوليش في مميزات منزلتش ف المستقر التجريبي وهتنزل لسه في المستقر، لأ المميزات دي بتكون في مراحل التطوير الاولية لكن إحنا خلاص وصلنا للمستقر، يعني اللي نزل التحديث متتوقعش إنه يكون في مميزات تانيه هتنزل، لا هو دا كده خلاص..
ولازم تعرف إن التحديث دا فيه شغل كبير من الشركة، مش بس مميزات، لكن ركزوا على تحسين الأداء بشكل كبير واستهلاك الطاقة والذاكرة وحاجات كتير، هتلاحظوا في تحسن كبير في الأداء لان الشركة اعادت كتابة تطبيقات النظام بلغة rust ومن ضمنهم اللانشر بتاع النظام نفسه ودا اهم شئ في التحديث اللي خلى النظام سلس ومش بيستهلك طاقة..

إرسال تعليق