جوجل بتشتغل حاليًا على ميزة جديدة في NotebookLM اسمها Magic View وهي طريقة مختلفة لعرض وفهم البيانات اللي بترفعها على المنصة الفكرة إنها هتسمح لك تشوف المحتوى بشكل مرئي أكتر

 

 

جوجل بتشتغل حاليًا على ميزة جديدة في NotebookLM اسمها Magic View وهي طريقة مختلفة لعرض وفهم البيانات اللي بترفعها على المنصة الفكرة إنها هتسمح لك تشوف المحتوى بشكل مرئي أكتر سواء على شكل فيديوهات ملخصة أو خرائط ذهنية أو تقارير منظمة بدل ما تكون بس نصوص مكتوبة وده هيسهّل فهم النقاط الأساسية بسرعة

 

الميزة دي بتيجي مع تحديث كبير في لوحة التحكم الجديدة Studio Panel اللي بقت مقسومة لأربع أقسام رئيسية هي Audio Overviews و Video Overviews و Mind Maps و Reports وده بيخلي التنقل بين طرق عرض البيانات أسهل وكمان بيديك إمكانية إنشاء أكثر من نسخة لنفس الملخص حسب الجمهور أو اللغة

 

كمان في تحسين لميزة الخرائط الذهنية Mind Maps اللي بقت تفاعلية أكتر وتسمح لك تضغط على أي نقطة وتفتح المعلومات أو المحادثة المرتبطة بيها مباشرة وده هيساعد الباحثين أو الطلبة أو أي فريق عمل إنه ينظم أفكاره بشكل بصري ويوصل للمعلومة أسرع

 

الميزة دي جزء من توجه NotebookLM إنها تخلي التعامل مع البيانات مش بس قراءة نصوص لكن كمان مشاهدة ملخصات فيديو مع صوت وشرائح ورسوم بيانية من المصادر نفسها وده بيخليها مثالية لعرض الأبحاث أو الشروحات أو أي محتوى معقد بطريقة أوضح وأسهل